Një tjetër i dyshuar për përfshirje në sulmin e Berlinit është vënë në prangat e policisë. Mësohet se bëhet fjalë për një shtetas tunizian të identifikuar si Bilel A. 26 vjeç.
I ndaluari mendohet të ketë qenë i përfshirë në sulmin ku u shkaktuan 12 viktima dhe 48 të plagosur, ose thjesht ka pasur dijeni për të.
Mësohet se Bilel A, ka konsumuar darkë me autorin e sulmit të Berlinit, Anis Amir, një natë përpara se të ndodhte sulmi, darkë gjatë së cilës kanë pasur edhe një debat.
Ai dhe autori i sulmit, i cili mbeti i vrarë gjatë një operacioni të ndërmarrë nga policia italine, njiheshin prej vitit 2015. (XH.A/SHUPLAKA)
