Pas sulmit me thikë brenda një autobuzi në qytetin verior të Gjermanisë Lubek, një dëshmitar ka folur për mediat duke zbuluar edhe momentet e tmerrit. 87 vjeçari Lothar H u shpreh se agresori përhapi panik në autobus pasi nxorri thikën.
“Pasagjerët u hodhën nga autobuzi duke bërtitur. Ishte e tmerrshme. Më pas të plagosurit u larguan. Agresori kishte një thikë kuzhinë”, tha dëshmitari për gazetën lokale Lubecker Nachrichten.
Mësohet se shoferi menjëherë hapi dyert që pasagjerët të shpëtonin.
Të paktën 14 persona raportohen të plagosur gjatë sulmit, ndërsa ende nuk raportohet për viktima. Dyshohet se bëhet fjalë për një sulm terrorist. Policia ka arritur të arrestojë agresorin, i cili mendohet se është një 30 vjeçar nga Irani.
