Bashkia e Shkodrës ka reaguar pas sulmit të turpshëm me thikë ndaj trajrnerit të Vllaznisë Ernest Gjoka pasditen e sotme nga një person ende i paidentifikuar.
Në një deklaratë për shtyp bashkia thotë se ky sulm nuk ka lidhje me qytetarinë shkodrane ndërsa nuk përjashtojnë mundësinë që të jetë një sulm I sponsorizuar nga ata që nuk ia duan të mirën Vllaznisë.
Gjithashtu bashkia ka dhe një kërkesë për FSHF-në ku kërkon që në këto kushte të shtyhet dhe ndeshja me Luftëtarin në Gjirokastër.
DEKLARATE PER SHTYP
Bashkia e Shkodres dhe KF Vllaznia jane njohur me ngjarjen e rende te ndodhur pasditen e sotme ne Fushen e Lekurave, ku pas stervitjes eshte goditur dhe kercenuar me jete traineri i ekipit te pare Ernest Gjoka.
Menjehere, traineri Gjoka, drejtuesit e Bashkise dhe te Klubit, kane komunikuar me Policine e Shtetit duke i vene ne dijeni per ngjarjen si dhe duke u kerkuar zbardhjen e plote te saj dhe arrestimin e agresorit.
Ky akt i turpshem, i cili nuk ka lidhje me qytetarine e spikatur shkodrane, denohet me vendosmerine me te madhe nga ana e Bashkise, Klubit, stafit drejtues- teknik dhe futbollisteve. Nuk perjashtojme mundesine e nje prapavije te qellimte, ndoshta edhe te sponsorizuar por qe mbetet ne duart e organeve kompetente qe te zbardhet plotesisht.
Aktin e goditjes dhe te kercenimit me jete me arme te ftohte- thike te trainerit Gjoka, futbollistet, stafi teknik dhe drejtues i KF Vllaznia, Bashkia e Shkodres dhe tifozet e shumte e konsiderojne si goditje te qellimshme, te miremenduar te dikujt/disave qe duan te demtojne Vllaznine ne momentin e saj ndoshta me te mire.
Ne keto kushte Klubi dhe Bashkia e Shkodrës do t’i kerkojne FSHF-se shtyrjen e takimit me Luftetarin ne Gjirokaster ne nje date tjeter.
Discussion about this post