Ambasadori amerikan në Serbi, Kyle Scott është sulmuar teksa ishte duke mbajtur një fjalim në Universitetin e Nishit. Ai u qëllua me letra ku ishte fotografia e presidentit rus, Vladimir Putin. Agresoi ishte Dragan Kristic, Kryetari i Qendrës për të Drejta të Njeriu “Clamp. Teksa po e qëllonte me letra ai ka bërtitur duke thënë fjalët: “Nuk na nevojitet demokracia amerikane!”, “Na keni goditur me bomba!”, “Kosova është Serbi, Krimeja është Rusi!”.
Sigurimi e ka larguar nga salla, ndërsa policët e kanë ndaluar para ndërtesës së Universitetit. Takimi në Universitetin e Nishit ishte organizuar nga klubi serbo-amerikan i miqësisë.
“Nëse do të lexonit çdo ditë këto tabloide, ju do të besonit se Amerika i dëshiron vetëm të keqen Serbisë, se Amerika është armike e Serbisë, se dëshiron të krijojë kaos në Serbi dhe luftë në Ballkan. Të gjitha këto janë budallallëqe”, ka deklaruar Scott pas vizitës së Fakultetit të Elektronikës në Nish. (J.V/Faxweb)
Discussion about this post