Disa ditë pas sulmit me bombë ndaj autobusit të skuadrës së Borusia Dortmund, ku mbeti i plagosur mbrojtësi Marc Bartra, është sulmuar sërish një autobus me skuadrën gjermane.
Sulmi këtë herë ka ardhur nga tifozët, të cilët kanë qëlluar autobusin e Hamburgut ku luan edhe shqiptari nga Kosova Mërgim Mavraj.
Përballja e veriut mes Hamburgut dhe Verder Bremenit është sfida ndër më të tensionuarat në futbollin gjerman dhe policia kishte angazhuar rreth 700 forca policie, raporton Spiegel.
Ndërsa autobusi me ekipin e Hamburgut i drejtohej stadiumit, tifozë të Verder Bremenit kanë qëlluar me shishe, kanoçe, si dhe tullumbace të mbushura me bojë. Si pasojë e ngjarjes është thyer një xham i autobusit, por fatmirësisht nuk ka pasur të lënduar.
Me ndërhyrjen e forcave të rendit, futbollistët kanë mbërritur pa probleme në stadium.
(M.D/ Shuplaka)
Discussion about this post