Pas sulmit të ushtruar ditën e sotme ndaj bashkëshortes së ministrit, Blerand Stavileci ka reaguar kandidati për kryeministër nga PAN, Ramush Haradinaj.
Ai shprehet se autorët e këtij krimi të shëmtuar duhet të dënohet menjëherë dhe se të gjitha organet e rendit të bëjnë punën e tyre pa u vonuar për asnjë çast.
“Sulmi ndaj zonjës Stavileci, bashkështorte e Ministrit Stavileci, është një akt kriminal, dhe duhet të trajtohet i tillë. Kryesit e këtij sulmi të shëmtuar, duhet të zihen sa më parë dhe mbi ta të bjerë gjithë forca e ligjit. Nuk do të lejojmë që Kosova të shndërrohet në vend të pasigurt për qytetarët e saj. Organet e rendit dhe të ligjit ta bëjnë punën e tyre pa u vonuar për asnjë çast.
Shteti i Kosovës dhe shoqëria jonë nuk mund të qëndrojnë indiferent ndaj kësaj dukurie që nuk ka asgjë të përbashkët me ne si komb e si shoqëri.RH”, shkruan Haradinaj.
(S.SH/Shuplaka)
Discussion about this post