Sulmohet Kisha Katolike në Tiranë, persona të panjohur thyejnë xhamat

Në Tiranë janë thyer disa xhama të Kishës Katolike “Zemra e Shenjtë e Krishtit” gjatë orëve të para të mëngjesit.

Kisha e dëmtuar ndodhet në rrugën e Kavajës. 

Nuk dihen ende shkaqet dhe autorët që kanë kryer këtë veprim. Policia nuk përjashton pistën e grabitjes.

Policia ndodhet në vendngjarje dhe po heton rreth personave që mund të kenë kryer këtë akt.

Njoftimi paraprak 

Më datë 08.06.2017, në rrugën e “Kavajës”, gjatë natës kanë thyer disa nga xhamat e Kishës Katolike. Grupi hetimor po punon për sqarimin e rrethanave të ngjarjes dhe identifikimin e autorëve të kësaj vepre. (J.V/Shuplaka)