Sulmohet në Serbi autobusi me kosovarë, ministri Hoxhaj: Çështje që do ngrihet tek vendet e BE-së

Një ditë më parë, u fol se një autobus i linjës Vjenë-Prishtinë me të cilin udhëtonin edhe shtetas kosovarë, ishte sulmuar gjatë ndalesës së tij në Serbi.

Ngjarja ndodhi konkretisht në Krushevac të Serbisë. Fatmirësisht, nga sulmi pati vetëm dëme materiale dhe jo të lënduar në njerëz.

Ky akt nuk është mirëpritur nga autoritetet kosovare. Ministri i Jashtëm i Kosovës, Enver Hoxhaj, është shprehur se kjo çështje nuk do të lihet në heshtje, por do të diskutohet me vendet e Bashkimit Europian.

“Do ta ngre si çështje në disa shtete të Bashkimit Europian”, është shprehur Hoxhaj, pasi sipas tij, “kjo s’është hera e parë që po ndodh diçka e tillë”.

(XH.A/SHUPLAKA)