Rreth pesë persona mbetën të plagosur nga sulmi i beftë i një personi që qëlloi me sëpatë njerëzit në stacionin e trenit në Düsseldorf.
Fillimisht u raportua se “një 36-vjeçar nga një vend i ish-Jugosllavisë që jeton në Wuppetal, lëndoi disa persona me sëpatë”, por së fundmi bëhet i ditur identiteti i tij, i identifikuar si Fatmir H. 36 vjeç, nga Kosova, duke iu referuar gazetës gjermane “Der Spiegel Online”.
Autori i sulmit, pas arrestimit është dërguar në spital për trajtim, pasi kishte lëndime të rënda, kryesisht thyerje të eshtrave. Mësohet se ai ka pranuar autorësinë e krimit të djeshëm.
Policia gjermane hodhi poshtë se sulmi ishte me motive terroriste, nisur nga problemet mendore të autorit të sulmit. (XH.A/SHUPLAKA)
