Një shqiptar ka përfunduar pas hekurave në Itali pasi ka sulmuar me thikën e kuzhinës gruan e tij në sy të fëmijëve të mitur. Prokuroria mbi të ka ngritur akuzën për vrasje e mbetur në tentative ndaj gruas së tij. Por dëshmia e gruas, pas mjekimit në sallën e gjyqit ka befasuar trupën gjykuese.
Ajo ka ndryshuar deklaratën e saj duk e i dalë në mbrojtje burrit, duke kërkuar kështu që t’i hiqet masa e arrestit dhe të mos dënohet. Ajo e justifikon gjithë ngjarjen duke e quajtur si një çmenduri të momentit. E thërritur dje në seancë, gruaja ka befasuar me dëshminë e saj. Ajo e ka lëvduar të shoqin si një burrë punëtor dhe baba shembullor dhe kërkoi të mos ndëshkohet, duke tërhequr gjithë akuzat. “Është njeri i mirë, baba i mirë dhe familjar i mirë, ishte e gjitha një aksident i tmerrshëm”- ka thënë ajo. Por, megjithë këtë duket se akuza ndaj shqiptarit nuk do të ndryshojë.
Ngjarja:
Bëhet fjalë për ngjarjen e 2 janarit në orën 7:30 të mëngjesit, kur 44-vjeçari me nënshtetësi italiane, i veshur gati për punë, edhe me dorezat e punës, i sulet me thikë gruas së tij 36-vjecares, në sy të fëmijëve të vegjël, raporojnë mediat italiane. Ai rrëmbeu thikën e kuzhinës dhe pasi e qëlli, më pas tentoi ta mbyste edhe me duar, por ulërimat e saj dhe të fëmijëve alarmuan fqinjët të cilët thërritën me urgjencë policinë. (J.V/Shuplaka)
