Ministrja për Shtetin dhe marrëdhëniet me Pralamentin Elisa Spiropali në një deklaratë për mediat foli mbi sulmin me bojë të deputetit Edi Paloka ndaj kryeministrit Edi Rama sot në Kuvend. Sipas saj kreu i PD-së ngatërroi fjalimet dhe se Rama i kërkoi ndjesë Talat Xhaferrit për fyerjen që Basha bëri ndaj tij.
“Kryetari i opozitës ngatërroi fjalimet, ishte fjalimi i tij i zakonashëm ku nuk lë gjë pa thënë për Shqipërinë dhe për shqiptarët. I kërkuam ndjesë mikun tonë ku u fye nga lideri i PD-së.
Nëse do të ishte vetëm për sulmin e Palokës, ai është një person që njihet për deficensat e tij, por ai është mishërimi më i qartë i deficitit opozitar që është Basha. Gjejmë rastin tu kërkojmë ndjesë popullit shqiptar për këtë.”- u shpreh Spiropali.
Më herët Partia Demokratike ka sqaruar se pse deputeti Edi Paloka qëlloi me bojë drejt kryeministrit Edi Rama gjatë seancës së sotme plenare.
“Edi Paloka e gjuajti me boje Edi Ramen, pasi ky e talli ne menyre te perseritur per shkak te menyres se te folurit. Gjuatja me boje eshte mospranim i bullizmit te ushtruar nga kryeministri per te cilin eshte deshmitar i gjithe opinion publik.”- sqaron PD.
(M.Q/ FAXWEB.AL)
