Edmond Kapllani ish-lojtari i kombëtares shqiptare është detyruar të heqë dorë nga nënshtetësia shqiptare për të siguruar pasaportën gjermane.
Ligjet në shtetin gjerman e detyrojnë futbollistin të ndërmarrë këtë hap pasi shteti gjerman nuk e lejon shtetësinë e dyfishtë.
‘’Mendova për familjen, kam 13 vite në Gjermani dhe erdhi momenti që të vendosja. Problemi është se Gjermania nuk e lejon mbajtjen e dy nënshtetësive dhe për të marrë tashmë pasaportën gjermane, më duhet të heq dorë nga nënshtetësia shqiptare. Gjithsesi, unë jam konsultuar me avokatin dhe do të gjejmë mënyrën, që pasi të marr nënshtetësinë gjermane, të nis më pas procedurat për të pasur edhe atë shqiptare. Shqipëria si shtet e lejon dynënshtetësinë, kështu që mund ta rifitoj sërish’’, ka thënë sulmuesi në një intervistë për një të përditshme.
Mbetet për t’u parë nëse sulmuesi shqiptar do të jetë një shqiptar edhe me letra sërish. (E.K/SHUPLAKA)
