Realizimi i një interviste me yjet e futbollit botëror shihet gjithmonë si diçka e pamundur dhe e paarritshme por kjo gjë nuk vlen të thuhet për dy fëmijët shqiptarë me banim në Suedi, Arbnori dhe Shenasia, të cilat i’a kanë dalë mbanë. Dy të rinjt arrijnë t’i bëjnë një intervistë yllit të Manchesterit, Ibrahimoviç.
Gazeta suedeze tregon se po mundohej prej 18 muajsh të siguronte një intervistë me Ibrahimoviç, por ky i fundit kishte pranuar në nëntor pasi kishte mësuar se pyetjet do ia bënin Shenasi dhe shoku i tij.
“Për mua gjëja më e vështirë është të vrapoj, por duhet. Preferoj edhe të luaj në sulm, ndërsa të mbroj nuk ndjehem edhe aq mirë. Argëtohuni me futbollin. Nëse dikush ju mërzit, atëherë kalojani topin mes këmbëve ose driblojeni. Futbolli është argëtim, apo jo?”, ishin fjalët e sulmuesit suedez.
I pyetur me kë vrapon në stërvitje, Ibra nuk kurseu thumbimet. “Me të ndryshëm, nga Mkhitarian te Runi. Pogba? Disa herë. Por ai është gjithmonë vonë, mbetet në fund të rreshtit. Varet, nëse janë me fat, mund të vrapojnë përkrah meje”, tha ai. Në fund, shumë foto me dy djemtë ndërkohë futbollisti e cilësoi intervistën si më të bukurën e dhënë
