Mbrëmja e sotme shënon fillimin e Champions League. Që në natën e parë të fillimit të sezonit futbolldashësit do të kenë mundësinë të shohin një superduel siç është ai mes Barcelonës dhe Juventusit.
Ndeshja do të luhet në Camp Nou dhe pritet me shumë interes pasi Barcelona do të luajë për t’u hakmarrë ndaj Juventusit për eliminimin që i shkaktoi klubit spanjoll vitin e kaluar duke e mposhtur me rezultatin 3-0 në Itali, ndërkohë që ndeshja e kthimit u mbyll 0-0.
Trajneri i Barcelonës, ernesto Valverde pritet të luajë me skuadrën më të mirë, duke përfshirë këtu edhe sulmuesin Ousmane Dembele.
Ndërsa, Massimiliano Allegri sonte do të ketë disa mungesa, pasi nuk mund të llogarit në lojtarët si Khedira, Marchisio, Chiellini apo Mandzukic.
Kjo ndeshje do të zhvillohet nga ora 20:45. (B.H/Shuplaka)
