Ndeshja më e rëndësishme e mbrëmjes së sotme do të jetë ajo midis Holandës dhe Gjermanisë, sfidë e vlefshme për kualifikueset e Euro 2020, me kombëtaret që bëjnë pjesë në Grupin C.
Na ndan dhe pak kohë nga supersfida, janë zyrtarizuar edhe formacionet që do të rreshtojnë dy trajnerët. Në njërin krah, Ronald Kuman luan me 4-3-3 e zakonshëm. Surprizat janë të pakta nga kampi i tulipanëve, me ndryshimin e vetëm që në sulm së bashku me Babel dhe Depaj, këtë herë do të luajë Promes dhe jo Stiven Bergvajn.
Nga ana tjetër, ekipi i drejtuar nga Joakim Lëv ka shumë ndryshime, ku moduli është 3-5-2. Në mbrojtje së bashku me Zyle dhe Rudiger do të laujë Ginter, ndërsa krahët i mbulojnë Kehrer dhe Shulc. Kimish do të luajë si mesfushor siç ishte paralajmëruar, së bashku me Kros e Goretcka.
Në majën e sulmit është dyshja e shpejtë Sane-Gnabri, me Verner që është ulur në stol.
Gjithashtu, Marko Rojs nuk është preferuar si titullar, njësoj si Ter Shtegen, i cili duhet të qëndrojë në stol, ndërkojhë që Manuel Nojer është do të mbrojë portën e Gjermanisë.
Discussion about this post