Mesfushori Hair Zeqiri, i cili është aktivizuar me Kukësin në kualifikueset e Ligës së Kampionëve kundër Sherif Tiraspolit.
Në një deklaratë për “Supersport”, mesfushori i skuadrës është shprehur se po pret me padurim të luaj sërish me Kukësin dhe se shpreson se do ta nisin me trofe ndeshjen e parë të Superkupës.
“Ka qenë muaji janar kur kam luajtur për herë të fundit në kampionatin shqiptar. Më pas jam aktivizuar me Kukësin në Champions kundër Sherifit të Tiraspolit. Të them të drejtën po pres me padurim të luaj sërish. Ndeshja e parë është Superkupa dhe shpresoj ta nisim me trofe”, tha ai.
Sipas Zeqirit, ndryshimi i madh që ka Kukësi në këtë edicion, është fakti që e nis vitin si skuadra për t’u mundur dhe për këtë, ai është i bindur se Kukësi do të arrijë që të mbajë petkun e fituar një vit më parë.
“Edhe atëherë kemi qenë një grup shumë cilësor, sikurse sot. Diferenca është vetëm te statusi i ekipit. Sot jemi kampionë të Shqipërisë”, ka deklaruar Zeqiri.
(S.SH/Shuplaka)
