Ish sekretari i ministrisë së Bujqësisë, Vojo Bregu, me anë të një postimi në rrjetet sociale ka reaguar pas dy publikimeve të ndryshme të kryeministrit Edi Rama dhe të ministrit të Bujqësisë Niko Peleshi për të njëjtin projekt.
Sipas tij dy statuse, e njëjta video, teksti ndryshe, pasi KM ka hequr nga statusi i tij pjesën e fillimit te punimeve për kanalin V1 dhe V2 në Krutje dhe me sa duket nuk ka besim që Ministria e Bujqësisë do e fillojë dhe mbarojë këtë kanal të rëndësishëm për atë zonë.
Ndër të tjera ai shkruan se: duke mos pasur besim te portali, informoj KM, se supervizori i projektit ka 4-5 muaj që nuk pranon të fillojë punimet me firmën fituese të tenderit, e cila nuk plotëson asnjë kriter të Bankës Botërore.
Postimi i plotë
Dy statuse, e njëjta video, teksti ndryshe. KM ka hequr nga statusi i tij pjesën e fillimit te punimeve për kanalin V1 dhe V2 në Krutje. Me sa duket nuk ka besim që Ministria e Bujqësisë do e fillojë dhe mbarojë këtë kanal të rëndësishëm për atë zonë. Është mjaftuar me promovimin e punës së Panaritit, dhe mirë bën, se fundja ka qenë KM, pavarësisht se e trajtonte Ministrinë e Bujqësisë në atë kohë, si të njerkës.
P.S. Duke mos pasur besim te portali, informoj KM, se supervizori i projektit ka 4-5 muaj që nuk pranon të fillojë punimet me firmën fituese të tenderit, e cila nuk plotëson asnjë kriter të Bankës Botërore.
Discussion about this post