Jose Maria Gutierrez, i njohur ndryshe “Guti”, pritet të jetë trajneri i ri i Realit të Madridit. Lajmin e ka bërë të ditur presidenti i Real Murcias, Viktor Galvez, i cili zbulon se Guti ishte shumë pranë stolit të Murcias për sezonin e ardhëm, por dorëheqja e Zidanit nga madrilenët ia ka ndryshuar planet.
Pas njoftimit të Zidane javën e kaluar ku dha dorëheqjen si trajner i Realit, ka pasur një numër emrash që janë shpallur si kandidatët më të përshtatshëm.
Sipas presidentit Galvez, Guti do të jetë trajneri i ri i Realit. Ai tha se do të dëshironte që Zidan të lajmëronte dy ditë më vonë largimin, kur 41-vjeçari të kishte firmosur për Murcian.
“Guti do të jetë trajner i Real Madridit, kështu që ai nuk do të drejtojë Murcian. Do të kisha dashur që Zidane të qëndronte në Madrid edhe për vetëm dy ditë më shumë, kështu që ne do ta kishim kompletuar marrëveshjen me Gutin”, u shpreh presidenti.
(M.Q/Faxweb)
