Janë luajtur pasditen e sotme katër ndeshje të javës së gjashtë të Kategorisë Superiore. Nëntë gola janë realizuar në këto katër sfida dhe pesë prej tyre kanë ardhur në takimin e luajtur mes Bylisit dhe Flamurtarit.
Vendasit janë treguar të pamëshirshëm ndaj vlonjatëve, të mundur me rezultatin 5-0. Ballshiotët kanë zhbllokuar në takimin në minutën e 30-të dhe kanë arritur të realizojnë 3 gola në harkuan e 11 minutave.
Qardaku (30′), Goxhaj (33′) dhe Ntepe (41′) kanë shënuar për vendasit, të cilët kanë fiksuar shifrat në 5-0 me dy golat e realizuar nga Guindo (772′) dhe Ntepe (77′) në pjesën e dytë. Kjo fitore e ka lejuar ekipin e Dovedan që të ngjitet në vendin e parë të renditjes me 11 pikë.
Një kryesim ky që ballshiotët e ndajnë me Teutën, e cila ka fituar 1-0 në shtëpi kundër Kukësit dhe është njgitur gjithashtu në 11 pikë. Takimi i zhvilluar në Durruës është vendosur nga një penallti e Kallaskut në minutën e 84-t.
Ka ardhur një fitore bindëse edhe për Vllazninë, që ka mposhtur 4-0 në shtëpi Skënderbeun. Protagonisti i sfidës ka qenë Gilman Lika, i cili është treguar dy herë i saktë nga pika e bardhë për shkodranët në minutën e 39-të dhe të 68-të. Goli i tretë i Vllaznisë është realizuar nga Zogaj në të 85-ën, ndërsa i katërti nga Hygor në të 94-ën. Këto tri pikë kanë ndihmuar shkodranët që të parakalojnë pikërisht Skënderbeun në renditje dhe të marrin vendin e katërt.
Ndërkohë, është mbyllur në barazim sfida e vendeve të fundit me Luftëtarit dhe Laçit. Vendasit kanë kryesuar 1-0 deri në minutat e fundit falë një goli të shënuar nga Rapo në minutën e 9-të, por miqtë kanë arritur ta shmangin humbje me golin e Nwuabeze, i cili është treguar i saktë nga pika e bardhë.
