Është dhunuar barbarisht shefja e Financës në Poliklinikën e Ersekës, e identifikuar si Kristina Stoja.(FOTOT 1, 2)
Burime të policisë bëjnë me dije për “Shuplaka” se ajo është dhunuar në ambientet e poliklinikës nga shefja e Personelit, Dorina Tallo 32 vjeçe.
Mësohet se autorja e ka kërcënuar shefen e Financës së kësaj poliklinike me largim nga puna në rast se nuk votonte Partinë Socialiste. Veç kësaj e ka dhunuar fizikisht duke i shkaktuar shenja dhune në fytyrë e duke i thyer syzet optike.
Ndërkohë që tronditëse është dëshmija e të dhunuarës që tregon se për një ditë të tërë është kërcënuar jo vetëm nga Dorina Tallo po edhe nga familja e saj.
“Quhem Kristina Stoja dhe sot hyri në zyrën time shtetasha Dorina Tallo e cila është punonjëse e institucionit ku unë punoj, me detyrë Përgjegjëse e Burimeve Njerëzore dhe mori listë prezencën për orarin e punës.
Unë dola në corridor pasi në zyrë erdhi pastruesja. Dorina i thirri pastrueses lëre atë zyrë pa pastruar, shko poshtë shpjeri bukën nënës sime. Unë i thashë prit pak sa të pastrojë zyrën, dhe ajo më tha “kush të pyet ty, të shikojmë në datën 26 qershor kur të ikësh nga puna.
Unë i thashë që po të jetë në dorën tënde më hiq nga puna. Ajo filloi të më shante dhe erdhi drejt meje për të më goditur po nuk mundi. Rreth orës 10 më mori në telefon babai i saj dhe më tha “jam dy shkallë më lart, do ta shohësh ti ku do vesh”.
Unë i thashë jam e lodhur dhe se nuk ishte hera e parë që më shqetësonin. Kur nga ora 12 e 30 u nisa për në bankë, Dorina bashkë me nënën e saj dolën nga farmacia përballë dhe nisën të më shanin me fjalët më të ndryra. Unë u futa në bankë dhe ato nuk erdhën dot pasi i pengoi roja. Kur dola eca me vrapë ndërkohë që ato më ndiqnin nga prapa duke sharë.
Kur arrita në katin e dytë të poliklinikës Dorina vrapoi dhe më kapi duke hedhur duart në krykë, më dëmtoi në hundë gjithashtu më theu syzet e punës, më këputi varësen. Bashkë me të ishte dhe nëna e saj”, thuhet në kallëzimin e Kristina Stojas. (E.K/SHUPLAKA)
[ngg_images source=”galleries” container_ids=”2213″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
