Franca po përgatitet për raundin e parë të zgjedhjeve presidenciale që do të mbahet ditën e nesërme. Ndërkohë që në garë është edhe një kandidat nga Partia Komuniste Jean-Luc Mélenchon.
Mbështetjen për këtë kandisat e ka shprehur dhe Syriza, partia e majtë radikale e kryeministrit grek, Aleksis Cipras në një letër dërguar sot partisë Komuniste franceze.
“Kandidatura e Mélenchon përfaqëson një shpresë ndryshimi ”, u shprehte me anë të një letre Panos Rigas, sekretari i përgjithshëm i Syriza-s, shkruan AFP.
“Dinamika e krijuar nga kandidatura e Mélenchon lind shpresën duke i dhënë fund dilemës tronditëse mes ortodoksisë financiare neoliberale dhe nacionalizmit të ekstremit të djathtë”, vijon në këtë tekst partia fituese e zgjedhjeve legjislative greke në 2015.
“Alternativa e vërtetë përballë një makthi që përfaqëson Le Pen, është Jean-Luc Mélenchon”, shtoi ai.
Alexis Tsipras nga ana e tij nuk ka një qëndrim zyrtar për zgjedhjet në Francë.
