Deputetja e Partisë Demokratike, Jorida Tabaku, mori pjesë në Konferencën e Sigurisë në Uashington DC, ku u diskutua për rëndësinë e shqyrtimit të investimeve të huaja. Në një postim sot në rrjetet sociale, Tabaku theksoi se ka depozituar në parlament një nismë të rëndësishme që forcon sigurinë ekonomike të Shqipërisë: Ligji i ri për Shqyrtimin e Investimeve të Huaja.
“Investimet e huaja nuk janë vetëm çështje ekonomike, por edhe strategjike – ato mund të forcojnë demokracinë apo të bëhen mjete të ndikimit të aktorëve keqdashës”, shkruan Tabaku. Tabaku theksoi se “Shqipëria nuk duhet të lejojë që të kthehet në hallkën e dobët të NATO-s në Ballkanin Perëndimor”.
“Ligji propozuar garanton që investimet strategjike në energji, telekomunikacion, infrastrukturë dhe inteligjencë artificiale të jenë transparente dhe në përputhje me interesat kombëtare”, shkruan më tej Tabaku. Tabaku vlerësoi partneritetin me Shtetet e Bashkuara dhe nënvizoi se “partneri ynë kryesor dhe ne mirëpresim më shumë investime amerikane”.
“Ky ligj krijon një mjedis të sigurtë dhe të drejtë për bizneset amerikane, duke forcuar edhe më shumë lidhjet tona strategjike. Bashkë për një të ardhme të sigurt, ekonomike dhe demokratike!”, shkruan deputetja e Partisë Demokratike Jorida Tabaku.
Discussion about this post