Tahiri del në konferencë, Rama mbledh kryesinë e PS-së: Çfarë u diskutua

Pak para nisjes së seancës së sotme në Kuvend PS ka mbledhur kryesinë e saj ku mes të tjerave është miratuar dhe axhenda e turit të llogaridhënies.

Në këtë mbledhje ka qenë i pranishëm dhe kryeministri Rama. Ky tur do të zhvillojet në 61 bashki, ndërsa ka nisur dje me Tiranën.

Pas pak minutash PS-ja do ti drejtohet seancës së kuvendit, ndërsa në të njëjtin orar një zhvillim i rëndësishëm është edhe konferenca për mediat që ka njoftuar ish-ministri i brendshëm Saimir Tahiri.

Ka pak detaje në lidhje me arsyen që e kanë çuar deputetin tashmë të pavarur në këtë dalje për mediat.

Saimir Tahiri ka qenë në qendër të akuzave së fundi, ku opozita e ka cilësuar atë shkaktarin kryesor të mosçeljes së negociatave për Shqipërinë. Po ashtu arrestimi i tij është vënë si kusht edhe nga disa prej deputetëve të CDU-së në Gjermani, ku kryeministri Rama është njohur në mënyrë direkte me qëndrimet e tyre.

Hera e fundit që Saimir Tahiri u shfaq në Kuvend ishte dy javë më parë teksa pati një përballje me ish-kryeministrin Berisha, dhe në dalje të seancës tha shprehjen e tij tashmë të famshme se nuk kishte bir nëne dhe k*rve që ta ndalte atë të bënte drejtësi.

Nga ana tjetër pas dy javësh në Kuvend do të rikthehen sot mazhoranca dhe opozita, ku si pikë kryesore e rendit të ditës është parashikuar ligji për strehimin social.

(E.K/FAXWEB.AL)