Pak ditë na ndajnë nga finalizimi i koalicioneve për zgjedhjet e qershorit, ndërkohë që ende nuk ka një vendim të qartë sesi do të futen Partitë në zgjedhje. Nga Asambleja e Partisë Socialiste Tahiri dhe më pas Rama i kanë shpallur një sfidë të hapur LSI-së duke i shtuar presionin për një vendim sa më të shpejtë.
Fillimisht ishte Tahiri ai që në fjalën hapëse u shpreh se PS dhe e vetme do ja dalë të fitojë në zgjedhjet e ardhshme.
‘’Ne nuk kemi asnjë aleat më të rëndësishëm se çdo shqiptar. Kush do para, punë, dinjitet, kush do shtet të fortë, drejtësi kush do Shiqpëri më të lirë, Shqipëri më të mirë, ne duam koalicion për shqiptarët dhe jo për korridoret e politikës.
Kemi kryeministrin më të mirë të viteve të fundit, kush nuk e ka kuptuar ta kuptojë mirë. Edhe vetëm do fitojmë, të jenë të gjithë përballë Partia Socialsite do fitojë nga Tropoja në Sarandë. Edhe vetëm Partia Socialsite do fitojë, kemi njerëzit, kemi kryeministrin më të mirë’’, deklaroi Tahiri.
Nga ana tjetër edhe kryeministri Rama në një fjalë të gjatë të tijin nuk ka kaluar pa i dhënë vëmendje partneritetit me LSI-në. Ai u shpreh se ky partneritet nuk varet nga thumbat që i hidhen PS nga përfaqësues të LSI-së.
‘’Ka ndër ne që partneritetin me LSI ne e përjetojnë si të ezauruar të tjerë që e mendojnë si rraskapittëse. Arsye herë të drejta dhe herë të padrejta. Jashtë nesh e quajnë një marrëveshje për pushtet dhe e ngjyrosur sipas mediave, studiove dhe portaleve.
Kjo nuk matet me fjalë po me sa shumë reforma kemi bërë gjatë kësaj qeverisjeje. Nuk matet me sa pak flet LSI-ja për atë që janë arritur, dhe as me sa qejf i thumbon ministrat tanë të suksesshëm dhe as nuk matet se sa herë mungojnë ministrat e LSI-së në Parlament kur duhet të jenë aty.
Matet me Reformën në Arsim dhe nuk matet me kritikat që bëjën përfaqësues të LSI-së para fushatës. Nuik mund të matet kurrsesi me llafet korridoreve dhe lokaleve dhe as të portaleve’’, deklaroi Rama.
Nuk dihet nëse LSI do të japë një përgjigje të shpejtë për këto deklarata apo do të pres që me ‘qetësi dhe dashuri’ t’i japë PS-së përgjigjen finale. (E.K/SHUPLAKA)
