Tahiri i çuditur me Nishanin: Këshilli i Sigurisë nuk u mblodh as për Lazaratin. Nuk më pengon gjë të bëj detyrën

Çështja e ‘’Balilit’’ është kthyer  këto ditë në temë referimi dhe i bisedave në tryezat politik. Pas kërkesës së Kryetarit Meta për të mbledhur Këshillin e sigurisë për çështjen e arrestimit të Balilit dhe aprovimit të Nishanit vjen përgjigja e Tahirit.

Sipas Ministrit të Brendshëm ky lajm e ka gjetur atë disi të çuditur.

“Këto ditë po çuditet publike me thirrjen e Presidentit të Republikës Këshillit të Sigurisë për Balilin. E në fakt çuditet publiku sepse Këshilli i Sigurisë nuk është mbledhur as per Lazaratin. Po çuditet publiku pasi Këshilli i Sigurisë nuk është mbledhur as kur Lazarati ishte aty.

Megjithatë unë jam shumë i kënaqur të informoj Këshillin e Sigurisë dhe pa asnjë diskutim edhe Presidentin e Republikës, i cili për arsyet e veta është i pa informuar. Por jam akoma më i bindur që asnjë pengesë, asnjë insinuat, politike ose jo nuk do më ndalonte kurrë mua dhe aq më pak policinë e Shtetit të bënte detyrën ndaj atyre që deri dje ishin të pandëshkueshëm dhe atyre që deri dje ishin të pabarabartë dhe që nuk i prekte njeri”, ka thënë ministri Tahiri. (E.K/SHUPLAKA)