Ministri i punëve të brendshme Saimir Tahiri mohon zërat se ai i ka dorëzuar dorëheqjen kryeministrit Edi Rama. Ka më shumë se tre orë që përflitet për largimin e tij nga posti i ministrit, por Tahiri e ka kthyer përgjigjen nëpërmjet Facebook-ut.
“Per saktesim, as me ka kerkuar kush e as kam dhene doreheqje deri tani. Sidoqofte, me te forte do jemi, sot e gjithmone, bashke”, shkruan Tahiri.
Lajmi për dorëheqjen e ministrit Tahiri u dha pas takimit me kryeministrin Edi Rama, në selinë e kryeministrisë.
Madje u përfol edhe për një ndryshim të mundshëm të kabinetit qeveritar. Midis ministrave që pritet të largohen, u përmendën emrat e Bledi Çuçit, Mini Kodhelit, Ilir Beqaj, Damian Gjiknuri. (D.D/Shuplaka)
Discussion about this post