Ministri i Brendshëm, Saimir Tahiri, ka komentuar nga Apollonia protestën e opozitës që ka hyrë në ditën e tretë të saj. Ai e ka krahasuar çadrën e opozitës me një bunker të pushtetarëve që nuk e duan reformën në drejtësi.
“Deri dje kërkonin zgjedhje të parakoshme, sot duan t’i shtyjnë. Ata do vazhdojnë të refuzojnë reformën në drejtësi. Duan ta shtyjnë reformën që mos të bëhet kurrë reforma në drejtësi. Ajo nuk është çadër, por është bunker i të gjithë pushtetarëve që duan të mbajnë peng reformën në drejtësi”,-tha Tahiri.
Më tej, ai u shpreh se sot të gjithë ata prokurorë e gjyqtarë që kryejnë padrejtësi, kanë mbrojtjen e atyre që sot protestojnë në çadra: “Nëse ju kujtohet ende gjyqtari që la të lirë kriminelin që përdhunoi një vajzë? Kjo sepse e mbrojnë ata që janë te çadra. Prokurorët dhe gjyqtarët që kanë bërë padrejtësi të shumta, mbrohen nga ata që janë te çadra.”
Rreth 10 ditë nga vjedhja e 230 objekteve arkeologjike në Apoloni dhe arrestimin e dy personave, Ministri i Punëve të Brendshme, Saimir Tahiri, dhe ministrja e Kulturës, Mirela Kumbaro, ishin së fundmi në këtë zonë kulturore në kuadër të aksionit “Ikonat” dhe bashkëpunimit që i ktheu sërish pasurinë qytetarëve.
“Që në fillim nisëm aksionin “Ikonat”. Shumë pasuri kulturore iu kthyen qytetarëve, qeveria i ka kushtuar vëmendje pasurisë historike dhe kulturore.”, është shprehur ai ndër të tjera.
Duke qëndruar në të njëjtën linjë, ministrja Kumbaro foli për sekuestrimin e disa objekteve kulturore, që tashmë janë kthyer në vendin që u takon.
Vijon
