Ministri i Brendshëm, Saimir Tahiri, ka qenë së fundmi në Njësinë Administrative Papër të Elbasanit, ku ka ndjekur nga afër procesin e dorëzimit të armëve nga banorët.
Gjatë fjalës së tij, ai u bëri thirrje qytetarëve që të dorëzojnë armët pasi nga ato nuk përfiton askush, pasi sjellin vetëm të këqija. Ai kërkoi që prindërit të mendojnë për fëmijët dhe të rinjtë t’u binden prindërve të tyre.
“Shembulli i zotërinjve që dorëzuan armët sot, duhet t’ju vlejë të gjithëve.Edhe nga këtu t’i japim një mesazh të gjithë shqiptarëve, armët sjellin vetëm keq, nuk i duhen njeriu, mbi të gjitha për ata të rinj që janë aty prapa. Ju që jeni prindër dhe keni fëmijë mendoni për ata, ndërsa ju që jeni të rinjë, bindni prindërit tuaj, bindni familjarët tuaj, t’i dorëzojnë të gjithë armët.
Shqipëria që duam, nuk është me armë. Shqipëria që duam është pa armë. Shqipëria me më shumë siguri është pa armë. Shqipëria me një ekonomi më të shëndoshë është pa armë. Shqipëria juaj, e të rinjve duhet të jetë pa armë. Ndaj hajde të punojmë të gjithë bashkë për të bërë Shqipërinë që duam.”, u shpreh ndër të tjera Tahiri. (XH.A/SHUPLAKA)
Discussion about this post