Ish-ministri i Punëve të Brendshme, kandidat për deputet i PS-së në Tiranë, fton të gjithë shqiptarët që të bëhen bashkë për të qenë sot të pranishëm në hapjen e fushatës elektorale të PS-së tek Piramida.
Ai u drejtohet të gjithë shqiptarëve që “nuk u del koha të kuptojnë shumë nga politika e madhe”, të jenë aty, pasi “sot më shumë se dje, ka një motiv për t’u bërë bashkë”.
“Sot me shume se dje, ka motiv per tu bere bashke per shqiptaret e thjeshte qe nuk u del koha te kuptojne shume nga politika e madhe, por qe duan nje pune, duan mireqenie per familjen, duan drejtesi dhe shtet qe ti sherbeje e mbroje.
Njofto ke mundesh, takohemi sot ne 18.00 te Piramida #pershqiperineqeduam”, shkruan Tahiri.
Një ditë më parë, nga njësia nr. 5, ai u bëri thirrje të rinjve të dalin dhe të votojnë për të ardhmen e tyre, pasi një idiot mund të vendosë për ta në të kundërt: “Një idiot mund të vendosë për ty, nqs nuk vendos ti për veten e të ardhmen tënde.
Shqipëria ka nevojë për njerëz që i japin forcë idesë së tyre dhe bashkohen. Nuk ka nevojë për ata që duan ta mbajnë peng Shqipërinë, ka nevojë për ata që bashkohen në datë 18, me ne, me Partinë Socialiste, me ju, me të rinjtë. Këtu në Tiranë dhe në çdo cep të Shqipërisë për fitoren që meriton.”
(XH.A/SHUPLAKA)
