Tahiri prezanton gruan e parë shofere në Shqipëri dhe një deklaratë thumbuese për kundërshtarët politikë

Ish-ministri i Punëve të Brendshme, Saimir Tahiri, i cili është kreu i Partisë Socialiste për Tiranën, ka bërë një deklaratë të fortë gjatë ditës së sotme teksa ka prezantuar edhe gruan e parë shofere në Shqipëri, e cila bën plot 57 vite në timon.

Bashkangjitur fotos ku shfaqet me të, Tahiri shkruan se sikundër se kjo grua e di shumë mirë që ashtu siç nuk ka makinë me dy timonë, nuk mund të ketë as qeveri me dy timonë, duke përjashtuar kështu mundësinë e ndonjë koalicioni.

“Razja, qe 1960 gruaja e pare ne timon ne Shqiperi. Razja e di shume mire qe sic nuk ka makine me 2 timon, as qeveri me 2 timon nuk mund te kete. #pershqiperineqeduam”, shkruan ai.

(XH.A/SHUPLAKA)