Në Asamblenë e Partisë Socialiste që ka nisur punimet sot fjalën hapëse e ka mbajtur ish-ministri i Brendshëm Saimir Tahiri. Ai ka bërë një paralelizëm mes Shqipërisë së para katër viteve dhe Shqipërisë së sotme.
Po ashtu në mënyrë të hapur Tahiri është shprehur se PS dhe e vetme ka për t’i fituar zgjedhjet e 18 qershorit, pasi ata kane me vete mbështetjen e Socialistëve të thjeshtë.
‘’Sot unë mund të them me plot gojën që e nxorrëm policinë nga rrënimi. Miqtë e mij kthehuni vetëm për një çast katër vite më parë, Shqipëria kishte shumë të papunë po ishte me shpresë, nuk kishte shtet po kishte njerëz burra e gra pensionistë të gjithë bashkë me ne kishin nisur një rrugë për një Shqipëri më e mirë.
Në një Shqipëri të shkatërruar po që askush prej nesh nuk e dinte që e kishin rrënuar aq shumë. Ka kaluar kaq kohë që çdo Reformë e jona duket pasqyra mes atyre që donin të punonin dhe atyre që punonin për të qenë në pushtet. Miqtë e mij janë dy botë të ndara po që takohen si mos më keq herë te kutia e televizoorit dhe herë te kutia e votimit. Miqtë e mij janë dy botë që do takohen sërish në 18 qershor. Shumë punë janë bërë dhe shumë të tjera janë për të bërë.
I kërkojmë ndjesë çdo socialisti që nuk kemi bërë sa duhet, ndjesë për çdo punë të bërë gabim. Por aq më shumë duhet të bashkohemi për Shqipërinë që duam. Shqipëria ka shumë për të humbur në rast se bën një hap pas. Përballë kemi të njëjtët njerëz që nga ’90 i rrinë mbi kokë këtij populli duke djegur breza të tërë. Përballë në ‘’Shqup’’ në çadër dhe jo vetëm kemi njerëz që duan të pengojnë drejtësinë.
Ata e kanë bërë zgjedhjen e tyre, socialistët e kanë bërë zgjedhjen e tyre. Ne jemi padiskutim më shumë, ne jemi absolutisht më të fortë. Ne jemi më të fortë në çdo rrugë, në çdo lagje, në çdo rrugicë. Ne jemi më të fortë te kutia e votimit në 18 qershor ku do të vendoset fati për 4 vitet e ardhshme. Dëgjoj nga socialistët mos hyni në koalicion me këtë apo atë parti, i kuptoj që të gjithë po gjëegjëza e koalicionit bëhet për të kuptuar ne se nuk ka kolaicion më të rëndësishëm se koalicionin që ne kemi me qytetarët. Kjo është e vërtetë e madhe.
Ne nuk kemi asnjë aleat më të rëndësishëm se çdo shqiptar. Kush do para, punë, dinjitet, kush do shtet të fortë, drejtësi kush do Shiqpëri më të lirë, Shqipëri më të mirë, ne duam koalicion për shqiptarët dhe jo për korridoret e politikës. Kemi kryeministrin më të mirë të viteve të fundit, kush nuk e ka kuptuar ta kuptojë mirë. Edhe vetëm do fitojmë, të jenë të gjithë përballë Partia Socialsite do fitojë nga Tropoja në Sarandë. Edhe vetëm Partia Socialsite do fitojë, kemi njerëzit, kemi kryeministrin më të mirë”, deklaroi Tahiri. (E.K/SHUPLAKA)
Discussion about this post