Tahiri sulmon LSI-në: PS nuk do të fitojë sërish me ‘partiçka’, nuk doja kurrë një eksperiencë si ajo e Metës

Kreu i Partisë Socialiste të Tiranës Saimir Tahiri gjatë një takimi me banorët tek Unaza e Re ka theksuar se  PS është alternativa e vetme më 25 qershor ndërsa nuk ka lënë pa thumbuar as kreun e Kuvendit Ilir Meta.

“Partia Socialiste është alternativa e vetme në 25 qershor. Një eksperiencë si ajo e Ilir Metës nuk do doja kurrë ta kisha. I kemi dhënë LSI-së për 4 vjet hapësirën për të treguar se mund të bënte ndryshe. I kemi dhënë mundësinë LSI-së të tregonte se ka hallin e njerëzve, jo hallin e familjes. E fatkeqësisht kjo nuk ndodhi, ndaj ne shkojmë vetëm në zgjedhje. Kjo është arsyeja pse PS nuk do të fitojë sërish me ‘partiçka’”, deklaroi Tahiri.

Po kështu Tahiri ka theksuar se  PS nuk është njëlloj as me LSI-në dhe as me PD-në.
“Nuk jemi njëlloj, nuk janë njëlloj ata që punojnë me ata që nuk punojnë. Luli e Saliu duan të legalizojnë partinë e vet, ne duam të legalizojmë çdo shtëpi të shqiptarëve”, tha Tahiri. (J.V/Shuplaka)