Ministri i Brendshëm, Saimir Tahiri, shprehet i bindur në mbarëvajtjen e reformës në drejtësi, çështja më e lakuar nga politikanët shqiptarë dhe përfaqësuesit ndërkombëtarë në vend.
Sipas tij, sistemi i drejtësisë do të reformohet pavarësisht përpjekjeve dhe rezitencës të atyre që nuk duan drejtësinë e reformuar.
“Vettingu është një hap që nuk ka kthim pas pavarësisht rezistencës së frontit të së keqes, që nuk do që në Shqipëri të ketë drejtësi.”, u shpreh Tahiri gjatë inspektimit të aksionit që IKMT po zhvillon pranë Universitetit Bujqësor të Tiranës.
Ministri i Brendshëm theksoi se do të punohet për atë që iu premtua qytetarëve, për një Shqipëri me hapësira të gjelbra dhe jo me biznese në oborrin e shkollave.
“Jemi të vendosur të bëjmë atë që na besuan qytetarët. Gjetëm një Shqipëri me biznese në oborrin e shkollës, por Shqipëria që duam është ajo e hapësirave të gjelbërta. Ka ende gjyqtarë që mbrojnë ndërtimet pa leje.”, deklaroi ai më tej.
Discussion about this post