Të tjera detaje mësohen rreth shkarkimit të ministrit të Brendshëm Saimir Tahiri. Edhe pse fillimisht u tha se Tahiri ka dhënë dorëheqjen, rreth tre orë më parë ai e mohoi lajmin. Mirëpo kjo nuk vërteton se ai nuk do të largohet nga posti i ministrit.
Kujtojmë se kur u shkarkua ish-ministri i Drejtësisë Ylli Manjani në janar, edhe ky njëlloj si Tahiri sot, e përgënjeshtroi lajmin nëpërmjet një postimi në Facebook, por të nesërmen doli në një konferencë për shtyp për të lajmëruar shkarkimin.
Gjithsesi kjo mbetet për t’u vërtetuar nesër në mbledhjen e kabinetit qeveritar, të thirrur nga kryeministri Edi Rama. Sipas “Balkanweb”, Tahiri ishte vënë në dijeni mbi shkarkimin që mbrëmjen e kaluar, pasi ai kishte telefonuar personalisht afër mesnatës të gjithë krerët e Policisë në rrethe për t’u nisur të nesërmen me urgjencë drejt Tiranës. Kështu sot krerët e policisë u takuan me ministrin Tahiri në një drekë miqësore.
Mësohet se Tahiri nuk i kishte vënë në dijeni drejtorët lokalë të Policisë mbi arsyet e kësaj mbledhjeje emergjente, pasi ai do i vinte vetë në dijeni gjatë drekës së sotme.(D.D/Shuplaka)
