Edison Ypi ka reaguar ndaj intervistës së fundit të Rexhep Qoses. Sipas tij intervista e dhënë nga Rexhep Qosja është, një përçartje demenciale pleqërore në prag gjumi prej komunisti congenital.
“Intervista e Rexhep Qoses, një përçartje demenciale pleqërore në prag gjumi prej komunisti congenital për të cilin Shqipëria dhe shqiptarët nuk ekzistojnë objektivisht por janë kategorizime teorike marksiste leniniste.”, shprehet Ypi.
Në intervistën e dhënë Qose është ndalur edhe te çështja e ish-ministrit të Brendshëm, duke dhënë argumentat e tij se pse nuk duhet paragjykuar deri në fund ish-ministri. Sipas tij Tahirit po i shkelen egër të drejtat e njeriut. “Saimir Tahiri! Nuk jam prokuror publik; nuk jam as gjykatës. Saimir Tahiri, them, mund të jetë fajtor për çka akuzohet e mund të jetë i pafajshëm.
Unë respektoj një paragraf juridik pamatshëm të rëndësishëm për drejtësinë dhe për demokracinë dhe ky është paragrafi në Kushtetutën e SHBA-së në të cilin thuhet: çdo kush është i pafajshëm derisa të mos dëshmohet fajësia e tij.
Saimir Tahirit, një njeriu politik inteligjent, të aftë, ndoshta më pak vigjilent se çdo të duhej në detyrën e ministrit të Punëve të Brendshme, qe sa muaj, ndoshta gati qe një vit, po i shkelen egër, egër të drejtat e njeriut duke u shkelur njëkohësisht prej akuzuesve të tij ligje e Kushtetuta e Republikës së Shqipërisë.
Dhe, po i shkelen prej prijësve (liderëve) të opozitës, prej prijësve e bashkëpunëtorëve të tyre të – PD-së dhe LSI-së.
Kryetari i sotëm i PD-së dhe kryetari i përparshëm i PD-së, bashkëpunëtorët më të afërm të tyre në PD-në, kryetarja e sotme dhe kryetari i para disa muajve i LSI-së dhe bashkëpunëtorët e tyre më të afërm po e akuzojnë Saimir Tahirin jo si njerëz politikë, po si prokuror dhe si gjykatës, si gjykatës që e kanë sjellë verdiktin e fundit për Saimir Tahirin! “, u shpreh Qose. (J.V/Faxweb)
Discussion about this post