Ardian Takaj është shprehur i revoltuar për gjykimin në ndeshjen Kukësi -Skënderbeu e cila mbaroi me rezultatin 2-0.
Presidenti i korçarëve në një prononcim për “Panorama Sport” ka hedhur akuza ndaj arbitrit të takimit, Lorenc Jemini, i cili dha një penallti për vendasit që konceptohet e papranueshme nga stafi i juglindorëve.
“Te penalltia e dhënë, gjyqtari ishte shumë i kthjellët dhe ishte e qëllimshme. Nuk është hera e parë që na ndodh, pasi ky gjyqtar e ka të përsëritur një veprim të tillë. Na e ka bërë edhe në Durrës të njëjtën gjë edhe në ndeshjen e sotme (djeshme). Për mendimin tim, ne ishim të humbur ende pa filluar ndeshja.
Nuk mund të fitonte ekipi me atë lloj fushe dhe atë lloj arbitrimi”- ka thënë Takaj.
