Në këto ditët e fundit theksi është vendosur përherë e më shumë te administrata publike dhe problemet që ajo ka në vendin tonë.
Në kuadër të vijimit të Reformës në Shërbimin Civil pritet të ketë sot një takim të nivelit të lartë ku nuk do të mungojë as ambasdorja e BE-së, Romana Vlahutin.
“Ditën e hënë, datë 10 korrik 2017 zhvillohet “Dialogu i nivelit të lartë mbi progresin e reformës në Shërbimin Civil dhe mbeshtetjen e BE”, me pjesëmarrjen e Ministres së Shtetit për Inovacionin dhe Administratën Publike, znj.Milena Harito dhe ambasadores së BE ne Tiranë, znj.Romana Vlahutin.
Konferenca do të zhvillohet në ora 10:00 në mjediset e Qendrës për Informim të BE, në Pallatin e Kongreseve”, thuhet në njoftimin e Ministrisë së Shtetit për Inovacionin dhe Administratën Publike.
(E.K/SHUPLAKA)
