Takimi anti-Basha në Durrës, Besnik Mustafaj: I paharrueshëm, PD do t’i rezistojë katastrofës së procesit zgjedhor të paqenë

Ish-ministri i kabinetit Berisha, Besnik Mustafaj ka vlerësuar takimin e mbajtur dje në Durrës, i organizuar nga Astrit Patozi, ku ky i fundit mblodhi rreth vetes demokratët.

 ipas Mustafajt ky është një takim i paharrueshëm dhe sipas tij kishin ardhur shumë më tepër demokratë se sa merrte salla. 

“Sapo u ktheva nga nje takim i paharrueshem ne Teatrin Aleksander Moisiu ne Durres. Kishin ardhur shume me teper demokrate se sa merrte salla. Gjeta shume nga qendrestaret e vitit ’91 e ’97. Por edhe shume te rinj te mrekullueshem te Forumit Rinor Demokrat. Jam plot me besim se PD do t’i rezistoje katastrofes se nje procesi zgjedhor te paqene dhe do te ngrihet mrekullisht per t’i bere opoziten qe meriton kjo qeverisje e rrezikshme e Edi Rames. Faleminderit qytetarise demokrate durrsake qe me dhane kete shprese.”, shkruan Besnik Mustafaj.

Astrit Patozi është kundër zhvillmit të zgjedhjeve më 22 korrik dhe ka deklaruar se do të bëjë takime me demokratët në të gjithë vendin.   (J.V/Shuplaka)