Këshilltari ligjor i Partisë Demokratike, Gazmend Bardhi ishtë i ftuar në Fax News për të folur mbi përgjimin e kryetarit të opozitës Lulzim Basha, u shpreh se survejimi është i vërtetë.
“Policia e ka mohuar, por nuk presim që të pohojë, pasi ky është një akti i dënueshëm penalisht. Për këtë duhet të kishte reagur dhe prokuroria e Përgjithshme. Unë mund të konfirmoj se lajmi është i vërtetë, kryetari i opozitës dhe familajrët e tij të afërt gjatë këtyre ditëve kanë qenë nën survejim 24 orë në 24 nga kjo strukturë e policisë së shtetit. Urdhëruesi i këtij akti të paligjshëm është kreyministri i vendit dhe ministri i Brendshëm. Të dhënat tona flasin që janë nga punojnës të forcës opoeracionale të një strukturës në policinë e shtetit.”
Ndërkohë që për sa i përket vizitës që deputetët Enkelejd Alibeaj, Edi Paloka dhe Flamur Noka kanë bërë në Drejtorinë e Policisë së Shtetit gjatë ditës së sotme, Bardhi u shpreh se qëllimi i vizitës ka qenë të paralajmërjonë drejtorin aktual të Përgjithshëm të Policisë së Shtetit, që do të mbajë përgjegjësi për çdo paligjishmëri që po kryen në Policinë e Shtetit.
“Takimi i zyrtarëve të PD nuk ka qenë për një konfirmim. Ka qenë një shkuarje e tre deputetëve tek drejtori i Policisë së Shtetit ku i është bërë i qartë qëndrimi i Partisë Demokratike se ai personalisht dhe secili prej urdhëruesve, që në rastin konkret kanë dhënë urdhër për të survejuar 24 orë në 24 kryetarin e opozitës, do të përgjigjen dhe do të mbajnë përgjegjësi ligjore dhe personale ndaj këtij akti të paligjshëm.
Asnjë strukturë shtetërore sado e kriminalizuar të jetë nuk mundet kurrsesi që të cënojë në mënyrë flagrante të drejtat dhe liritë themelore të individit. Qëllimi i kësaj vizitë ka qenë të paralajmërjonë drejtorin aktual të Përgjithshëm të Policisë së Shtetit, që do të mbajë përgjegjësi për çdo paligjishmëri që po kryen në Policinë e Shtetit.”
(M.Q/Faxweb)
Discussion about this post