Takimi i paparalajmëruar, Kryemadhi i shkon në zyrë Bashës

Kryetarja e Lëvizjes Socialiste për Integrim, Monika Kryemadhi ka zhvilluar mbrëmjen e sotme një takim me kreun e PD-së Lulzim Bashën.

Bëhet e ditur se takimi është zhvilluar në zyrën e kryedemokratit Basha dhe në qendër të diskutimit janë zhvillimet e fundit politike.

Po ashtu mësohet se është zhvilluar edhe një disktuim mbi Reformën Zgjedhore dhe hapat që do të ndërmarrë opozita.

Ndërkaq në fokus të takimit është edhe qëndrimi i Bundestagut gjerman për hapjen e negociatave të Shqipërisë me Bashkimin Evropian.

Kujtojmë se mbrëmjen e sotme parlamenti gjerman do të votojë kërkesën e dërguar nga partitë në koalicion me kancelaren Angela Merkel, në lidhje me hapjen e negociatave me kushte për Shqipërinë.

Kujtojmë se gjatë tryezës së zhvilluar ditën djeshme për Reformën Zgjedhore, përfaqësuesi i opozitës Ivi Kaso u shpreh se opozita mbështet zyrtarisht realizimin e reformës zgjedhore, por kërkoi që të udhëhiqej nga ndërkombëtarët.

(M.Q/Faxweb.al)