Kryeministri Edi Rama dhe bashkëkryetari i koalicionit qeverisës, Ilir Meta, janë takuar mëngjesin e ditës së sotme.
Takimi i së mërkurës është një takim i përjavshëm tashmë për dy aleatët në qeveri. Mësohet se përballja e tyre këtë mëngjes ka zgjatur pak, ndërkohë që nuk ka informacione për çështjen që ka qenë në qendër të kësaj bisede.
Situata politike në vend është karakterizuar së fundmi nga përplasje të ndryshme, ku nuk kanë munguar akuzat dhe replikat mes ambasadorit amerikan Lu dhe kryeprokurit Llalla, ato të ministrit të Jashtëm Ditmir Bushati dhe Kreut të Lartë të Shtetit, Bujar Nishani, protesta e paralajmëruar e 18 shkurtit e PD-së, zhvillime të ndodhura pas shkarkimit të Manjanit nga detyra e ministrit të Drejtësisë dhe akuzat e ndërsjella për moskapjen e Klement Balilit. Një tjetër temë e diskutuar së fundmi nga palët politike ka qenë ajo e krijimit të koalicioneve për zgjedhjet e 18 qershorit. (XH.A/SHUPLAKA)
