Takimi i Tahirit me ish-drejtorët, gazetari Vezaj: Parcelizim i Policisë, pse s’përmendet Prençi dhe Burgaj?

Ministri i Punëve të Brendshme, Saimir Tahiri ka takuar sot ish-drejtorët e Përgjithshëm të Policisë së Shtetit në vite. 

Sipas Tahirit, “në këtë 90 vjetor të krijimit të Drejtorisë së Përgjithshme të Policisë së Shtetit, respekt pafund për drejtuesit në vite dhe kontributin e policëve sot në pension”.

Por lidhur me këtë takim ka reaguar gazetari i njohur i kronikës Flamur Vezaj, i cili e quan këtë “parcelizim” të Policisë së Shtetit.

“Ja çfarë do të thotë “parcelizim” i policisë së shtetit edhe në 90 vjetorin e saj!!! Po lexoja një status të M.Brendshëm S.Tahiri, që paska zhvilluar një takim të ngrohtë me të gjithë ish-drejtorët e Pergjithshëm të Policisë së Shtetit ndër vite, një takim falenderimi (mirë ka bërë)! Por, ajo që bie në sy, është mungesa si në statusin e tij, ku nuk përmenden dy drejtorët e përgjithshëm të policisë në kohën e PD-së, z.Ahmet Prençi dhe z.Hysni Burgaj dhe mungesa e tyre edhe në foton e përbashkët!!! Nuk besoj që është lapsus! Pasi nuk mund të harrojë ministri, të pakten z.Burgaj, me të cilin punoi disa muaj dhe me firmën e të cilit shkarkoi të gjithe drejtorët dhe shefat komisariateve të policise së shtetit! #politizimi_që_sduam# #respekte_për_të_gjithë_ish-drejtorët”, sahkruan Vezaj në postimin e tij. (A.R/SHUPLAKA)