Ish-deputeti i Partisë Demokratike Astrit Patozi, i ftuar në studion e ABC News, ka folur për takimin e një mbrëmje më parë me ish-kryeministrin Sali Berisha.
“Unë e kam takuar dje zotin Berisha, por ky nuk qe as takim i fshehtë por as zyrtar. Unë mund të them se jemi takuar si dy demokratë që janë të shqetësuar për traumën që ka përjetuar PD gjatë zgjedhje dhe për më tepër këtë që ka ndodhur pas humbjes.
Berisha e lexon më mirë nga të gjithë rezultatin traumatik të PD-së. Tani ideja qëndron nëse do të ringrihet PD-ja apo do të ndahet?
Se me veprimet e zotit Basha të çojnë te e dyta. Këtë kam diskutuar edhe me zotin Berisha. Kaq mund të them për këtë takim.
Por meqë ju doni një fjali konkrete nga takimi, ju them se jemi ndarë pa asnjë keqkuptim nga takimi”, tha Patozi.
Kujtojmë se pasditen e së martës, Patozi, i cili do t’i mungojë Parlamentit të ardhshëm, i ka shkuar në zyrë ish-kryeministrit Berisha.
Ky takim vjen një ditë pasi Astrit Patozi, u tërhoq nga gara për kryetarin e partisë, pasi nuk iu plotësuan kushtet që ai kërkoi. Ndërkohë, mësohet se edhe Eduart Selami i ka vajtur Berishës në zyrë. Mirëpo jo në të njëjtën kohë me Patozin.
Kujtojmë se Patozi është një ndër kritikët më të mëdhenj të kreut të PD-së Lulzim Basha brenda partisë së tij, ndërsa ish-kryeministri Berisha është mbështetësi i tij më i rëndësishëm.
Ndërsa Selami është i vetmi kandidat i cili ka mbetur në garë për t’u përballur me Bashën, pasi Kryesia e PD-së i skualifikoi të tjerët. (D.D/Shuplaka)
Discussion about this post