Pak ditë më parë, me rastin e 90-vjetorit të Drejtorisë së Përgjithshme të Policisë së Shtetit, ministri Saimir Tahiri organizoi një takim me ish-drejtorët e policisë, përfshirë edhe ata që kishin shërbyer gjatë diktaturës komuniste.
Por sot, me anë të një postimi në Facebook, ish kryeministri Sali Berisha denoncon faktin se dy prej tyre, të dekoruar edhe nga ministri Tahiri, kanë qenë xhelatë të komunitzmit.
Për këto akuza Berisha bazohet te qytetari që i ka sjellë mesazhin.
Postimi i plotë i Berishës:
I perndjekuri politik dixhital denoncon:
Dekorimin e xhelateve te diktatures;
-Kasem Kaso, xhelati qe shtypi shtazerisht revolten e Spaçit
-Agron Tafa, xhelati qe shtypi mizorisht revolten e Qaf Barit. sb
“Pershendetje doktor Ministri Tahiri dy ditë më parë ka pritur në zyrën e tij “veteranët” e Policisë së shtetit. Ky në foto është ish drejtori Kasem Kaso (89 vjeç), ai mbahet mend për shtypjen e revoltës së Spaçit në vitin 1973. Një tjetër efektiv e veteran që u vlerësua ishte Agron Tafa, ai mbahet mend për shtypjen e revoltës së Qafë-Barit në vitin 1984.”
Takimi i Tahirit me ish-drejtorët u përfol edhe për shkak të mungesës së dy prej tyre, që kanë shërbyer gjatë qeverisjes së PD-së, Ahmet Prençi dhe Hysni Burgaj. (A.R/SHUPLAKA)
