Futbolli është padyshim një nga sportet që të bën të kesh miq dhe armiq. Dani Alvesh i njohur si një nga mbrojtësit më të mirë të historisë së Barcelonës, dje kthehej si kundërshtar në ‘Camp Nou’.
Tashmë nën fanellën e Juventusit brazilianit i duhej të luftonte kundër shumë nga ish-shokëve të tij të skuadrës së dikurshme.
Po kjo miqësi mund t’i ‘kushtonte’ skuadrës italiane. Pak çaste para fillimit të ndeshjes, Alvesh doli nga fusha e lojës dhe shkoi të takonte të gjithë pjesëtarët e stolit të katalanasve.
Ndërkohë, ai nuk e kishte kuptuar që ndeshja kishte filluar dhe skuadra e tij ishte me një lojtar më pak në fushën e lojës.
Sapo e kuptoi, ai vrapoi duke qeshur për të zënë pozicionin e tij në fushën e lojës në një ndeshje që ishte shumë e veçantë për futbollistin i cili u largua nga katalanasit në verën e kaluar. (E.K/SHUPLAKA)
https://www.youtube.com/watch?v=q2mp1is7w5c
Discussion about this post