Pak më parë përfundoi takimi midis ministrit të ri të Drejtësisë Petrit Vasili dhe ambasadorit amerikan Donald Lu. Gjatë këtij takimi, dy zyrtarët diskutuan mbi Reformën në Drejtësi.
Në nisje të takimit, Ambasadori Lu e ka uruar Vasilin për detyrën e re dhe shprehet se përmes eksperiencës së tij të gjatë në politikë, Ministri i Drejtësisë do të dijë ta drejtojë mjaft mirë këtë institucion.
Ndër të tjera Lu ka ofruar mbështetjen e SHBA-së për reformën, dhe e inkurajon Vasilin që të jetë sa më aktiv në përfshirjen e tij në reformën në gjyqësor, si edhe të shërbejë si një nga arkitektët e saj.
Ndërsa ministri Vasili nga ana e tij, informoi Lu-në se punon për paketën e 27 ligjeve, duke vlerësuar se një pjesë e tyre janë e një rëndësie prioritare dhe se për këtë qëllim ai vetë do të investohet për finalizimin e një pakete me ligje sa më efektive, të cilat do të jenë në shërbim të publikut, të cilin e konsideroi si aleatin më të madh.
“Jam i interesuar në vetë të parë për finalizimin me sukses të reformës në drejtësi, për të cilën edhe më herët kam shpenzuar mjaft kohë dhe energji”, janë fjalët e Vasilit.
Ndër të tjera Vasili e cilësoir rolin e OPDAT dhe EURALIUS-it, si mjaft përcaktues për zgjidhjen e të gjitha atyre rrethanave të lidhura me reformën, që do të kërkonin një interpretim. (D.D/Shuplaka)
Discussion about this post