Deputeti i PD-së Enkelejd Alibeaj i ftuar në studion e ‘’Fax News” ka folur në lidhje me 12 ditët e para të kryeprokurores Arta Marku.
Alibeaj u shpreh se është e kot të flasim për punën e saj, sa kohë që kryeprokurori i vërtetë është Edi Rama.
“Ministri i Brendshëm është në konflikt të hapur interesi. Bashkëpunimi mes institucioneve të pavarura (ndjesë pastë) dhe qeverisë nuk bëhen në takime tek e tek.
Sot prokuror është Edi Rama. Ka një asfiksim total i drejtësisë së re që do të lindte. Shqiptarët duhet të kuptojnë që këtu ka rënë sistemi politik, dhe ky ishte guri i fundit. Pasi kjo ka nisur që në 25 qershor”, u shpreh Alibeaj.
Sa i përket pyetjes së gazetares në lidhje me takimin Xhafaj-Marku, Alibeaj u shpreh se ky takim është jo vetëm i jashtëligjshëm po edhe i pamoralshëm.
“Modestisht për aq sa e njoh ligjin, në ka një gjë të shenjtë e cila duhet ruajtur fort si baza e demokracisë është distanca institucionale mes pushteteve. Për mua është sakrilegj që të ketë kontakte te tilla mes ministrit Xhafaj dhe pjesës tjerër, që janë organet e drejtësisë.
Pushteti politik menaxhon pushtet dhe rrjedhimisht mund të jetë edhe subject i hetimeve të ndryshme. Në çdo vend të botës ka një distancë që e mbron sistemin e drejtësisë. Jo vetëm që është e jashtëligjshme po është edhe e pamoralshme”, vijoi më tej Alibeaj.
(E.K/FAXWEB)
Discussion about this post