Kreu i PDIU-së Shpëtim Idrizi i ftuar në ‘Fax News’ i ka bërë thirrje ministrit për Europën dhe Punët e Jashtme Ditmir Bushatit që gjatë takimit me ministrin grek Nikos Kotzias në Korçë e ka detyrim kushtetues që të veprojë me reciprocitet,
“ I bëj thirrje bushatit se e ka detyrim kushtetues që të veprojë me reciproritet”, duke ironizuar se nëse Bushti nuk vepron në këtë mënyrë “ Kotzias do ti këndojë Dhimitrit, jo Ditmirit”.
Idizi shprehu rezervat e tij për këto takime pasi ka shumë pak informacion, ndërsa në takimin e parë ku tha se thjestë ishte biseduar, më vonë doli që ishin marrë vesh për varrezat e ushtarëve grekë.
I pyetur nësë PDIU do të kalojë në opozitë Idrizi ka shmangur përgjigjen e drejtpërdrejtë por ka thënë se ka kontakt me të gjithë spektrin politik në vend sepse i duhet mbështetje për kauzën e kësaj partie e cila siç tha Idrizi është e të gjithëve.
“Kam kontakët me të gjithë, edhe për shkam të pozicionit që kemi, na duhet mbështetja nga të gjithë, do duhet të2 sillemi me rregullat e kushtet e një partie politike, kam kontakt me të gjithë spektrit politikë shqiptarë, por ne jemi parti e qendërs, do të jetë në radhë të parë në mbështetje të kauzës, nuk do të marrim pjesë në protestë por do të jemi të vëmendshëm për të kuptuar realitetin e politikës”.
Idrizi tha se kjo parti do ti nënshtohet riorganizimit dhe se ai nuk ka ndërmend të dorëhiqet.
Gjithashtu Shpetim Idrizi për sa i përket çështjes së varrezave nuk është dakord në formën që është bërë.
“Greqia niset nga parimi ku kam varret aty kam atdheun. Ato janë ushtritë pushtuese dhe ne u ngremë një varrezë masive! Mbas 20 apo 30 vjetësh fëmijëve tanë do u thuhet nga pala greke se ajo është tokë grekë, sepse unë aty kam varrezat e mia.Pala shqiptare nuk pati reciproritet. Ne nuk jemi dakord me menyrën dhe formën që është bërë.”
Ndërkohë ai theksoi se PDIU pret nga Bushati që të respektojë detyrimet kushtetuese që ta trajtojë çdo marrëdhënie me dinjitet dhe reciproritet, dhe se duhet të prevalojnë interesat e Shqipërisë.
”Ne jemi i vetmi shtet që nuk kemi një strategji kombëtare për diplomacinë, e gjithë klasa politike duhet të kishin sot një strategji dhe një material për të mbrojtur interesat kombëtare. Ne jemi të vetmit që ndryshojmë diplomacinë sipas politikës. Nuk kemi dokument strategjik, por thjeshtë një rezolutë, por nga ana tjetër nuk mund të jetë në dëshirën e Bushatit ta ngre ose jo çështjen Çame. Problemet me Shqipërinë, janë problem që i ka krijuar Greqia.”
Për sa i përket ligjit të Luftës Idrizi u shpreh se Greqia do të ishte e turpëruar, po na jep hiçin në shkëmbim të shumë gjërave.
“Ligji i Luftës është shoqëruar me disa ligje të tjera. Kjo heqje e ligjit duhet të shoqërohet me të gjithë pasojat e saj.Kjo eleminon vetëm një pjesë të problemeve Çame. Mund të hiqet ligji por duhet të hiqen dhe pasojat.” u shpreh ai. (B.H/Faxweb)
Discussion about this post