Gazetari Vladimir Lame i ftuar në emisionin “360 Gradë” në RTV Ora zbuloi se opozita i ka paraqitur diplomatit të BE, Bernd Bochardt emrin e deputetit të PS-së, Ditmir Bushati për kryeministër.
Sipas tij disa ditë më parë ka pasur dhe një takim mes Mediut dhe Bushatit, në ambientet e një prej hoteleve kryesore në Tiranë.
Pjese nga biseda:
Lame: Në takimin e Ambasadorit të BE-së, Bochart tek Rogner me përfaqësuesit e opozitës është përmendur emri i zotit Bushati apo jo?
Gaba: Jo nuk është përmendur emri me sa mbaj mend unë.
Lame: Unë kam qenë i pranishëm aty. Para takimit të partive opozitare me Bochart, Mediu ka pasur një takim rreth 90 minuta me zotin Bushati. Në atë tryezë ku ju keni qenë dhe keni mbajtur shënime, Mediu i ka paraqitur emrin e Bushatit, zotit Bochart. Ju keni qenë në atë ambjent e keni dëgjuar dhe më vjen keq që e mohoni.
Duhet thënë se prej kohësh emri i Bushatit është përfolur, pasi në disa herë ai ka dalë kundër qëndrimeve që ka mbajtur Rama sa i takon politikës së jashtme dhe jo vetëm.
(E.K/FAXWEB.AL)
Discussion about this post