Taksa për mallrat serbe krijon tension në BE, anulohet konferenca e Haradinajt

Siç raportojnë gazetarët kosovarë në Bruksel, kjo ka ardhur për shkak të tendosjes së atmosferës në takimin e MSA-së, e ku temë ishte edhe taksa ndaj Serbisë, shkruan gazetametro.net.

Deri tani nuk ka asnjë sqarim lidhur me anulimin e konferencës, mirëpo po raportohet në vazhdimësi për një takim të tensionuar në BE.

Lajmin e ka konfirmuar edhe gazetarja e RTK-së, Xheraqina Tufina.

Kjo është hera e dytë që ndaj Kosovës BE-ja vepron njëlloj pas takimit të Këshillit të MSA-së. Edhe vitin e kaluar ishte anuluar konferenca, pikërisht në një kohë kur BE-ja i bënte trysni Kosovës për Demarkacion.

Ndryshe, Haradinaj udhëtoi sot për në Bruksel me informacionin që në agjendë është edhe diskutimi i taksës, për të cilën BE’ja dha dje një kompromis, por që nuk e gjeti gjuhën e përbashkët me Qeverinë e cila po kërkon vetëm njohjen e shtetit si kusht për largim të taksës.